Juventus-ah Federico Bernardeschi a lût

Juventus chuan Fiorentina forward Federico Bernardeschi chu £35m-in kum 5 chhung an hnena châm turin an lalut.

Season liamtaa league goal 11 thuntu kum 23 mi Bernardeschi hian Florentina-ah hian kum 3 hun a hmang hman a, Italy seniot team tan ṭum 9 a inlan tawh bawk a, kumina European Under-21 Championship-aha che ṭha hle a, Juventus chuan Europe-a “most promising attacking talents” an ti hial a ni.

Juve hian a zawna a ṭum 7-na atan League title lak leh an tum hle a, Bernardeschi hmaah hian Wojciech Szczesny, Juan Cuadrado, Medhi Benatia leh Douglas Costa te an lo lalut tawh a ni.

Bernardeschi hian Juve pre-season tour neihna US lam a pan ve nghal rin a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram