Lirthei insutnaah mi pakhat boral

Nimin chhuna Bungtlang khuaa Maruti 800 Car leh Truck (709) insutnaah Car khalhtu, Pu Lalzara Sailo (70), Bungtlang Chhim Veng chu a boral.

Nimin chhun dar 12:15 vel khan Bungtlang Bazar Veng-ah Pu Lalzara Sailo Bungtlang Chhim Veng khelh Maruti 800 leh Serchhip lam pana tlan Truck (709) te hi an insu a,Car khalhtu Pu Lalzara Sailo hian a âwmah hliam na tak a tuar nia hriat a ni a, a hliam tuar lovin a boral nghal a, a nupui leh a fate 3 a kal san a, nimin tlai khan a ruang hi Serchhip Damdawi In-ah Postmortem niin, nizan khan an chenna in, Bungtlang Bazar Veng-ah Lumen pui a ni a, vawiinah vuiliam a ni ang.

Leave a Reply

This site uses Akismet to reduce spam. Learn how your comment data is processed.