August ni 26-a an inhnek tur tihlârna atana an hmalakna hmasa berah Conor McGregor chuan Floyd Mayweather chu round 4 chhunga knock-out a tiam.
Boxing khawvela sum tamna ber inhnekna nei tur McGregor leh Mayweather te hian an fans sang chuang hmaah Los Angeles-ah News Conference an nei a, August ni 26-a an inhnek neih tur Promote-na atan hian ṭum 4 lai hun an hmang dawn a, niminpiah khan a vawi khatna atan hun an hmang a, hetah hian UFC lightweight champion kum 28 mi, McGregor chuan, “Chetvelna, chakna leh nunrawnna kawngah experience a nei lo,” tiin Mayweather chu a sawi a, kum 40 mi, Mayweather chuan chhânglêtin, a kum chu tam tawh mahse professional boxing la khel ngai lo McGregor hnehna tur khawp chakna a la nei tih a sawi ve thung a ni.
Nimin khan a vawi hnihna atan Canado khawpui Toronto-ah an inhnek tur promote-na hi an chhunzawm leh a, hetah hian mipui 16,000 chuang hmaah UFC lightweight title kawltu McGregor leh hneh loh la tawng lo Mayweather te hi ṭawngkam leh chezia-in nasa takin an inbei chhunzawm leh a ni.
Heng fighter pahnih te hi August ni 26 khian boxing dan hmangin Round 12 chhung an inbei dawn a ni.