Zothlifim Logo
Loading ...

Monaco vice president chuan an striker kum 18 mi, Kylian Mbappe chu a contract pawhsei chungchangah inbiakna an neihpui mek tih a sawi.

Tun hnaia football player ṭha chho chak tak, Mbappe hi Real Madrid nen nghet takin sawi zawm mek an ni a, hetihrual hian Club hausa Manchester City nen pawh sawi zawm a ni bawk a, mahse BBC Sport chuan Monaco hian £160m (Euro 180m) pawhin hralh loh an tum niin a hria a ni.

Monaco vice president Vadim Vasilyev chuan, “Contract pawhsei chungchangah hian Kylian te nen hian kan indawr mek a, inremna pawh siam ngei kan beisei,” tiin a sawi a ni.

July thla tir khan Monaco chuan Europe-a Club lian hrang hrangte chu an striker lakluh an tum danah dân lovin an che niin an puh a, an phalna la hmasa lova Mbappe hi biaah Monaco hian Club dangte an puh a, FIFA leh French League-ah hemi chungchanga disciplinary action la turin an ngen a, English Club zingah chuan Manchester City chiah hi Monaco-in dan lova che-a an puh zingah an tel a ni.