Zothlifim Logo
Loading ...

Andy Murray chuan Wimbledon title humhim turin a match hmasa berah Thawhṭanni khian lucky loser Alexander Bublik hmachhawnin bul a ṭan dawn.

Kum 30 mi, Murray hi kumin Wimbledon-ah hian Top seed a ni a, nikum khan a ṭum hnihna atan Wimbledon title hi a la a, India sanaa tlai dar 6:30 aṭangin Murray hi a khel ṭan dawn a, a kaltluang zel a nih chuan quarterfinal-ah Stan Wawrinka a hmachhawn thei dawn a ni.

Wimbledon title ṭum 7 lo la tawh Roger Federer chuan a match hmasa berah Alexandr Dolgopolov a hmachhawn dawn a, a chak chho tluang zel a nih chuan Quarterfinal-ah Milos Raonic a hmachhawn thei dawn a, hetihlai hian Rafael Nadal chuan kum 2015 hnu-a a vawi khatna atana Wimbledon-a a match hmasa berah John Millman hmachhawnin bul a ṭan dawn a, an chak chho zel a nih chuan Quarterfinal-ah Marin Cilic nen an inhmachhawn thei dawn a ni.

Second seed Novak Djokovic pawhin Quar-terfinal a thleng a nih chuan Domnic Thiem a hmachhawn thei dawn a, First Round-ah Martin Klizan a hmachhawn dawn a, Champion tura a kal kawngah hian Olympic-a a lo hneh loh tawh Juan Martin del Potro chu Third round-a hmachhawn thei dinhmunah a ding bawk a ni.

Hmeichhe lamah champion lai Serena Williams chu a rai avangin a tel thei dawn lova, tunah hian a fa hmasa ber tur a pai mek a, hetihlai hian a laizawn Venus Williams erawh a ṭum 20-na atan Wimbledon khel leh tura beisei a ni a, hmeichhia-ah hian Angelique Kerber chu Top seed a ni dawn a, Second Seed hi Simona Halep a ni.