Zothlifim Logo
Loading ...

Sangau RD Block huamchhunga Bualpui NG leh Lungzarhtum khuaa Fur Zikhlum chingtu chhungkaw 26-te chu NEDP sum, Rs.49,950/- ṭheuh sawrkarin a pe tawh.

Thulakna tarlan danin, Bualpui N.G. leh Lungzarhtum khuaa kuthnathawktu chhung-kaw tam takin kum engmawzat chhung sum hnar bera an lo hman ṭhin, Fur Zikhlum tia hriat lar ‘Ryozeki’ hlawk zawka an thar theih nan sawrkarin kawng hrang hrangin hma a lakpui mek a. Kumtinin chhungkaw engemawzatin Horticulture department mithiamte enpuinain fur zikhlum hi lo ching tawh ṭhin mah se a hmunhma buatsaihna tur leh a chi tam zawk pekchhuah tur lamah harsatna an neih deuh vangin kumin hian sawrkar chuan Lungzarhtum leh Bualpui N.G.-a chhungkaw 26-te chu NEDP sum, Rs.49,950/- ṭheuh a pe tawh a, heng sum hmang hian an zikhlum chinna tur hmun te siamin Terace-te an laih bakah a kuiṭiahna tura ruahmanah a chi an kui mek a, ṭhenkhat chuan an phunsawn ṭan tawh a ni.

Khuarel chhiatnain a bawrh a nih loh chuan kum dang zawng aiin Fur zikhlum hi kumin hian tharchhuah hnem a beiseiawm tih Lawngtlai District Divisional Horticulture Officer Pu L.Lalhmingmawia Pachhuau chuan a sawi.