Zothlifim Logo
Loading ...

Transport Minister Pu John Rotluangliana chuan nakum 2018 Mizoram MLA inthlan lo awm tur chu Kristian leh Kristian lo inbeihna a ni dawn a ti.

He thu hi nimina a bial chhung khaw 4 – Suarhliap, Vawngawnzo, Damdiai leh N.Sabual khua a tlawhnaah a sawi a, Minister chuan MNF leh BJP te chu nakum MLA inthlannaah an thawk ho dawn a, hmanni lawka India President thlannaah pawh MNF MLA te chuan BJP candidate an vote tawh avangin an thawhho ngei a rinawm a ni a ti.

Minister chuan Congress Party Minister ni lovin, Mizoram mipuite Minister a nih zawk thu te, khawtlang mamawh leh thil ṭul te chu a hnenah inthlahrung hauhloa thlen turin a chah bawk.

Transport Minister hian a bial chhung a tlawh khua te tan khawtlang mamawh hrang hrang waiting shed, roadside bazar sakna tur te, sub-centre repair-na tur leh field laihna tur te a pe a ni.