A hliam dam hnu-ah Sharapova a champion

Maria Sharapova chuan a inhliam a dam hnua a vawi khatna atan title a la ve leh ta a, Stanford’s Bank of the West Classic final-ah Jennifer Brady chu 6-1, 4-6, 6-0-in a hneh a ni.

Sharapova hi damdawi hman phalloh a hman avangin thla 15 chhung hrem a nih hnuah April thla khan an hremna a hmang zo a, mahse May ni 16 khana a malpuiah hliam a neih avangin a inkhel thei lo zui leh ta a, Ranking-a World No. 171-na ni mek Sharapova hi kum 2015 March thla hnu-a a vawi khatna atan United States-a inkhel tur hian wildcard pek a ni.

Kum 30 mi, Sharapova hi kumin French Open-ah khan wildcard pek a ni loh avangin a tel lova, Wimbledon-ah pawh a inhliam vangin qualifying-ah a tel thei lo bawk a, August ni 28-a US Open khelh turah pawh ṭum 5 lai Grand Slam title lo la tawh, Sharapova hi direct entry-in a khel thei dawn lo a, Qualifying aṭang chuan a khel ṭan thei ang a, mahse Main draw-a tel nghal tur chuan wildcard a mamawh dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram