Mizoram hmun hrang hrangah Exodus Movement chungchang sawifiahin Inrinni khan Pu K Sapdanga chuan Champhai a thuthar thehdarhtute hnenah ram hmasawnna tura kalphung thar an duante a tarlang.
He huanah hian Pu K. Sapdanga chuan ‘Political party kal tlanga kan ram inrelbawl danah duhthusam tawk lohna tam tak a awm avangin Mizoram chu India ram state hnufual fal zingah kan tel mek a ni a ti a. Khawsak senso hautak ber pawl leh, Sum hnar project nghahfak nei lo State kan ni a. Development leh Zirna tichhetu chu kan Politics kalpui dan anih thu leh Thangtharte nghahfak erawh sorkar hna anih laiin lehkhathiam sing tel hna hmulo an awm mek a. Roreltu-ten sakhua leh kohhran an bosan mek a, Cancer leh HIV+ rate ah kan sang uchuak hle si a. Tuna kan dinhmun thlir hian ram mipuite hi kan dam tlang tak zet em’ a ti a ni.
Pu Sapdanga chuan Kan ram dinhmun tlachhe mek tungding tur hian Media hmanga siam that tum chu a hautak thu leh mitha leh beisei kai-ten Party an luhchilhin ram siam tha turin an hlawhchham zel si avangin. Kalphung thar a siam tum hi kawng awmchhun anih tawh thu leh Sorkar tha siam duhtute chu an tanrual chuan chak tham an awm tih a sawi bawk.