Arsenal midfielder Alex Oxlade-Chamberlain chuan Premier League Champion Chelsea chu £40m-in a zawmfel ṭep.
England player kum 24 mi hi nakum nipui thleng chiah contract a nei tawh a, Emirates Stadium-ah hian contract thar a ziak duh lo a, Oxlade-Chamberlain hian Chelsea emaw Liverpool emaw, a duh zawk zawk zawm turin thutlukna a siam dawn a, mahse Arsenal hian Chelsea aṭang chiahin mumal taka dawrna an dawng a, Arsenal chuan a rang thei ang bera Southampton midfielder hlui chungchanga indawrna hi chinfel an duh a ni.
Chelsea manager Antonio Conte chuan transfer window tawp ni, Ningani hma-in an Squad-ah lakluh belh a la duh tih a sawi a, Oxlade-Chamberlain hi kumin nipuia player lang tham an lakluh pangana a ni dawn a, a hmaah hian striker Alvaro Morata, goalkeeper Willy Caballero, defender Antonio Rudiger leh midfielder Tiemoue Bakayoko te an lo lalut tawh a ni.