Skip to content
Home » Chanchinthar » Chhim Veng FC-in First Division an kai

Chhim Veng FC-in First Division an kai

Nimina II Division Final khelhah Chhim Veng FC chuan Bungpui FC, Hriangtlang chu Penalty shoot-out hmanga hnehin an champion a, Chhim Veng FC hian I Division an kai dawn a ni.

Nimin inkhelah hian minute 19-naah Lalengliana chuan goal thunin Bungpui FC hi hma a hruaipui a, hei hi First half-ah Chhim Veng-in an sût thei lo.

Second Half ṭan aṭanga minute 5-na lekah Chhim Veng FC-in C.Lalrindika hmangin an si phurh an rul a, minute 65-naah Chhim Veng FC-in hma hruaina goal an thun a, he goal hi Lalsangzuala’n penalty aṭanga a thun a ni.

Mahse Chhim Vengin hma an hruai rei lo, minute 10 a liam tihin Bungpui FC chuan Malsawmkima hmangin an si phurh an rul a, 2-2 a ni. Hun tawp thlengin goal dang a lut ta lova, Extratime-ah pawh team pahnih ten goal an thun theih tak loh ve ve avangin penalty shoot-out hmangin a chak zawk zawn a ni a, penalty pettu ten an pet goal zel a, mi panga-in an petna chiahah Bungpui FC tana pettu-in a pet goal ta lova, Penalty Shoot-out-ah Chhim Veng FC chu 5-4-in an chak ta a ni.

Heti hian Chhim Veng chu Chhiahtlang FC hmun ruak luahin First Division-ah an kai ta a, Second Division Runner-up, Bungpui FC leh I Division-a pasarihna FC S.Kawnpui te chuan vawiin chawhma dar 10:30 hian First Division luh inchuhin Play-off an khel dawn a ni.

Leave a Reply

This site uses Akismet to reduce spam. Learn how your comment data is processed.