CM hian sawi sawi lovin hrem mai rawh se:PRISM

PRISM chuan thuchhuah siamin, tun hnaiah Chief Minister Pu Lal Thanhawla’n sawrkar hnathawk thil ti diklo an awm ṭhin thu a sawi fo a, a hrem theitu chu amah anih angin, heng thil tidiklo nia a sawi ṭhin te hi mipui hriata sawi sawi lo hian hrem mai rawh se.

Nimina PRISM thuchhuah chuan All Mizoram Farmers Union (AMFU) leh CISR-NEIST Jorhat te thawhona August ni 24, 2017-a Lunglei Convention Centre-a neih a hawnnaah, “Kuthnathawktute chawikanna kawngah harsatna awm ṭhin pakhat chu sawrkar hnathawk ṭhenkhat, kut hnathawkte dawn tur ṭanpuina suma hlâwkna hmuh tum an lo awm ṭhin hi a ni,” a ti leh tawh tih tarlangin, tun hma pawhin, “Pawisa tham ching an awm,” te pawh a lo ti tawh a, hetiang an awm a ni tih a hriat reng chuan hetianga mipui hriata sawi sawi lo hian engvangin nge a hrem mai loh? A hrem theitu a ni a, hrem mai rawh se, an ti.

PRISM chuan hetianga a hnuaia hnathawkte thil tihsual vantlang hriata sawi zuah zuah a, hrem ngam chuang tak tak si lo hi PRISM chuan ram hruai zel tlakah an ngai tawh lo tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram