Zothlifim Logo
Loading ...
Chelsea coach Antonio Conte attends a pre-match press conference in Singapore on July 24, 2017, ahead of the International Champions Cup football match between Bayern Munich and Chelsea on July 25. / AFP PHOTO / ROSLAN RAHMAN (Photo credit should read ROSLAN RAHMAN/AFP/Getty Images)

Chelsea manager Antonio Conte chuan ‘kum tam tak’ Chelsea boss nih a duh tih a sawi a, Blues hi Stamford Bridge thara hruai loh a duh thu a sawi.

Conte hian nikum nipui khan Chelsea hi zawmin kum 3 daih contract a ziak a, tunah hian Chelsea chuan an ground sak ṭhat tumin ruahmanna an nei mek a, London mayor pawhin mi 60,000 ṭhut theihna tur Stadium £500m-a sak ṭhat phalna a pe tawh a ni.

Conte chuan, “Hei hi ka tan bakah Club tan pawh chona danglam tak a ni thei a ni; Stadium thara awm ho leh he team tana khelh ho zel hi,” tiin a sawi a, Chelsea hian Calendar year-a kum 4 chhung Coach pangngai an neih char char chu kum 1981 leh 1985 inkara an chhawr John Neal kha a ni a, ani hnuah hi chuan coach pangngai hi kum 4 an chhawr thleng ngai lo a, hemi chungchang hi sawiin Conte chuan, “He record chhe tak hi thaireh ka duh a, a thlen ngei pawh ka beisei a ni,” tiin a sawi a, “Club thara hna ka thawh ṭan khan kum tam tak he club-a awm hi ka beisei a, a dik tak chuan Stadium thar chu ropui viau mahse Stamford Brdige hi ka hmangaih a, ka in ang maiin ka en a ni,” a ti bawk.