Zothlifim Logo
Loading ...

Darlawn District Demand Committee chuan thuchhuah siamin Saitual District Implementating Demand Committee (SDIDC) ten an District Area tur atan Darlawn tlangdung an rinlut ve mai chu ṭha an tih loh thu leh an pawm dawn loh thu an sawi.

Darlawn District Demand Committee chuan thuchhuah an siamah hun rei tawh tak aṭang khan Darlawn tlangdung mipuite hmasawn nan leh ramin hmasawnna rualkhai zawka a neih theih nan sawrkarah Administrative District thar hi an lo dil tawh ṭhin tih an sawi a, tun thlengin an la tihhlawhtlinsak thei lo tih sawiin, District thar an mamawh tak zet tih an sawi a, kawng hrang hrang a chhutin District thar pek âwm ber an ni tih an sawi a, chuvangin Mizoram hmar lam Tipaimuk leh Suangpuilawn tlangdung tan Administrative District thar sawrkarin a pek thuai an beiseiin an phut tlat tih an sawi a, District thar an neih hma chuan Darlawn District Demand Committee ten theihtawp chhuahin hma an la zel dawn tih an sawi a ni.