Mizoram Merchants Association (MIMA), Gen.Hqrs leh MIMA hnuaia inthlung khawm pawl dang aiawhte nimina Aizawla thukhawm chuan Aizawla ‘Bazar India’ hawn danah dan dik loa thil tih a awm niin an sawi.
MIMA chuan Mizorama hnamdang GST Registration ti turte tan, ILP kum 2 dam chin an nei tur a ni tih chu Assembly House-a dan pass nimahse he dan hi bawhchhiain Bazar India hian ILP kum 2 dam la lovin, online hmangin GST Registration an ti a ni an ti a, Mizoram Sawrkar chuan a dan siam kengkawhin Bazar India chu a tihtawp a ngai a ni an ti. MIMA chuan Bazar India dawr siamna building neitu, Upa Biakchungnunga, Minister hlui leh Politician hlun pawh vawi 2 lenchilhin, Bazar India chu Mizote chimral theihna kawng a nih tur thute hrilhin kaltlangpui lo turin an lo ngen tawh tih an sawi bawk.
——————————————————-