Zothlifim Logo
Loading ...

Real Madrid forward Cristiano Ronaldo chuan UEFA’s Player of the Year-ah puan a ni a, Lionel Messi leh Juventus keeper Gianluigi Buffon te khûmin he lawmman hi a dawng a ni.

Kum 32 mi, Ronaldo hian Real Madrid chu a zawnin Champions League title a lakpui a, season liam ta khan Champions League-ah goal 12 thunin top scorer a ni nghe nghe a ni.

Portugal international hian tun hi he lawmman a dawn ṭum thuna ni tawhin, Barcelona forward kum 30 mi, Messi aiin pakhatin a dawng tam ta zawk a ni.

Hmeichhe lamah Netherlands leh Barcelona midfielder kum 24 mi, Lieke Martens chu Women’s Player of the Year-ah thlan ni a, kumin nipui khan Netherlands chu European Championship a chawipui a, hetah hian player of the Tournament-ah thlan a ni nghe nghe bawk.

Professional Football-a kum 24 hun a hman hnua July thlaa football chawlhsan ta, tuna Roma Director ni mek Francesco Totti chu UEFA President’s Award hlan a ni a, Totti hi Football Club-ah Roma tan chiah a khel a ni.

Lawmman dang dawngtute –

Best Goalkeeper : Gianluigi Buffon
Best Defender : Sergio Ramos
Best Midfielder : Luka Modric
Best Forward : Cristiano Ronaldo