Galatasaray-ah Fernando

Brazilian midfielder Fernando chuan Manchester City aṭangin Turkish Club Galatasaray a zawm dawn niin a lang.

Kum 30 mi, Fernando hian Vila Nova-ah a career bul ṭanin, kum 2014 khan Porto aṭangin £12m-in City hian an lei a, City tan game 101 khelin, season liam ta khan game 27 a khel a, mahse vawi khat chiah a start a, July thlaa US-a pre-season tour an neih lai khan kal ve lovin in lamah a lo awm a ni.

Pep Guardiola hian £120m-a full-back pathum a leiin kumin nipuia £200m vel a sen tawh hnu-ah centre-back lakluh leh tur a la zawng mek a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram