Skip to content
Home » Chanchinthar » India rama Skywalk hmasa ber leh Asia khawmuala Ropeway thui ber Aizawlah siam a ni dawn

India rama Skywalk hmasa ber leh Asia khawmuala Ropeway thui ber Aizawlah siam a ni dawn

Leading Edge Adventures hruaitu Captain Satish Pathania-a’n India rama Skywalk hmasa ber leh Asia khawmuala Ropeway thui ber Aizawlah siam a nih tur thu Governor a hrilh.

Nimin khan Governor Lt. Gen. Nirbhay Sharma-a chenna Raj Bhavan-ah Indian Golf Union President, Wing Commander Satish Aparajit-a leh Leading Edge Adventures hruaitu Captain Satish Pathania-a te’n Governor hi kawmin, Mizorama khualzin mite hip lut tura an hnathawh hrang hrang te an sawipui a.

Governor chuan sik leh sa dinhmunin a zir avang leh ram ralmuang leh mawi tak a nih avangin Mizoram chu danglam bikna nei a ni a; khualzin mite tlawhpawh hmun lar tak ni tura a duh thu a sawi a. India ram aṭang mai ni lo, South East Asia ram aṭangte pawha khualzin mite hip thei tur ruhrel changtlung tak neih a duh thu sawiin, Mizo mipuite tan pawha ei leh bar kawnga hmasawnna thlentu a ni thei dawn a ni, a ti

Captain Satish Pathania-a chuan Ministry of Tourism hnuaia Swadesh Darshan, Eco-Adventure Circuit an ruahman dan leh hma an lak mek dan te Governor hi hrilhin India rama Skywalk hmasa ber leh Asia khawmuala ropeway thui ber Aizawla siam a nih tur thu a sawi a, heng bakah hian Thenzawla Golf Course siam mek te leh adventure sport lama ruahmanna hrang hrang an neihte pawh Governor hi a hrilh a ni.

Leave a Reply

This site uses Akismet to reduce spam. Learn how your comment data is processed.