Lungleiah ILP endik runpui nei

Kolasib-ah dan lova lo lut 56 man
Nimin zing aṭang khan Lunglei District huam chhunga Police Station zawng zawng ten Inner Line Permit (ILP) endik runpui hna an ṭan.

Police te hian ILP neilo, permit thi tawh, mahni permit neih ang taka thawk lo leh sponsor-tu nilo hnuaia thawk te dapchhuah runpui an nei a, heng mi an man te hi Chief Judicial Magistrate Court, Lunglei-ah hruai an nih hnuah a ṭul anga thawn kir turin ruahmanna siam mek a ni.

Hetihlai hian, Kolasib Sub Headquarter YMA Kumpuan Committee chuan nimin khan dan lova Mizoram rawn lut hnamdang mi 56 manin an thawnkir a, N. Chhimluang khuaah zu ltrs 30 chuang an man chu khawtlang hruaitute nen an leih baw nghal bawk.

Kolasib Sub-Hqrs. YMA Kumpuan member te hi Bagha-ah tlangthla in Bagha YMA hruaitute nen ruihhlo chung-chang bakah hmeichhiat mipat hmansual chungchang an sawiho a, Vairengte Joint YMA hruaitute leh Serlui Group YMA hruaitute, Vairengte khuaa awmte nen kumpuan bawhzuina kawnga chakzawka hmalak dan tur an sawi ho nghal bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram