Mamit District Urban Development Office (DUDO) chu nimin zing khan Food Civil Supplies &Consumer Affairs Minister Pu John Rotluang-liana’n a hawng.
DUDO hawnna inkhawm Mamit DC Conference hall a neihah Minister chuan DUDO hi Mamit district khawpui tan an khawpui hmel tidanglamtu tur a ni a ti a, khawtlang hruaitute leh mipui ten an thawhpui thiam a pawimawh thu a sawi a. UD&PA hmalakna Jawaharlal Nehru National Urban Renewal Mission (JnNURM) hnuaiah Mamit khawpui chhunga insak ṭanpuina dawngtu chhungkaw 150 ten, In an sa vek tawh chu lawmawm a tih thu a sawi bawk.
DUDO office hawn tharah hian, thawktu, field staff te nen an vaiin mi 16 vel an awm dawn a ni.