Mizoram BJP Vigilance Cell-in Mizoram PWD Aizawl Road South Division hnuaia retaining wall siam anga sawi, hnathawh awm si lo, pawisa lak chhuah tho si chhuifiaha thil dik lo titu laka dan anga hma lak a nih theih nan nimin khan ACB-ah FIR an thehlut.
Hemi chungchang hi nimin khan thuchhuah siama sawiin BJP Vigilance Cell chuan, Aizawl South Road Division huam chhunga kum 2015-2016 inkara Retaining Wall siam zât leh a sum hman tura ruahmante RTI Act hmanga dil chhuakin, retaining wall siam anga tarlan hmun hrang hrang 25-te hi enfiahin hnathawh a lo awm mumal reng reng lo tih an hmuchhuak niin an sawi a, Heng hmun 25-a hnathawk anga an insawinaah te hian hnathawh nana sum ruahman chu Cheng Nuai 67.75 a nih thu an thuchhuahah chuan an tarlang bawk.