GST leh a kaihhnawih kawng hrang hrang zirchianna Taxation Department chuan Mizoram Merchant Association te pualin nimin khan a buatsaih.
Nimina Synod Conference centre ah Goods & Services Tax chuangchang zirhona hun ah hian GST Invoice vawn ṭhat dan te, GST a tax percent hrang hrang charge dan leh pek dan te, ITC Claim dan te bakah Return siam dan te zirhoni a . Taxation Jt. Commissioner Pu Kailiana, Superintendent Pu Ruatpuia leh Pu Thangbawiha ten zirtirna hi an pe a ni.
MIMA President, Pu PC Laldinthara chuan GST hman anih aṭangin Mizorama sum-dawngte pawh an tanrual a ngaih thu sawiin, Mizoram Tax-ation Department-a hnamdang sumdawng duh tan kum 2 nung ILP phut a nih laiin, Central Excise & Direct tax erawh chuan an phut si lova, chuvang-in an el phak loh vai mihausa-ten Mizoramah sumdawnna an rawn bun thei mai dawn a ni a ti a, chuvangin Mizo hnam a him lo hle dawn a, sumdawngte chauh ni lo, sawrkar hnathawk leh Mizo zawng zawng an him lo nia sawiin, mipui te leh sumdawng te ṭanrual a ṭul hle dawn niin a sawi bawk