Mizoram Peoples Conference Party (MPC), Zoram Nationalist Party (ZNP) leh Zoram Exodus Movement (ZEM) te chu nakum Assembly inthlan-puiah an thawkho dawn.
MPC, ZNP leh ZEM te hian thawhhona tur thuthlung hi nimin khan Pu K.Sapdanga Inah an ziak a, MPC aiawhin Pu KL Lianchia, ZNP aiawhin Dr. Kenneth Chawngliana leh ZEM aiawhin Pu Laliansawta te’n hming an ziak a, an thawhhona thuthlungah chuan MPZ, ZNP leh ZEM te chuan kum 2018 Assembly inthlanah Mizorama sawrkar ṭha piantir turin thawhho an remtih thu an ziak a, he thawhhona hi political party te, ram vei ṭhahnemngai pawlte leh mimal tu pawh, Mizoramah sawrkar ṭha piantir duh apiangte tel theihna tura siam a ni tih an sawi a, Party leh pawl anga thawhhona zawm duh tan party leh pawl ṭhiat kher lo pawhin a zawm theih tih an ziak bawk a ni.
