Ram chhung hmun dang rualin nimin khan state chhung District zawng zawngah ‘National Deworming Day (Rulhut Do Ni)’ hman a ni.
Serchhipah chuan nimin khan Dr. Laldawngliana Sailo, Chief Medical Officer, Serchhip District hovin Chawngbuangi Memorial School Serchhipah he hun hi hman niin, CMO chuan India rama naupang kum 1-19 inkarten Rulhut hlo hi an ei vek theihna tura hmalak a ni a ti a, Sikul kai rualte chu an sikul kaina ṭheuhah ei tir an ni anga, sikul la kai rual lote pawh Anganwadi Centre ah pek vek tur niin Sikul kai rual nisi kai tawh lote pawh zawn chhuah a, damdawi hi ei tir vek an ni ang a ti.