Netherlands midfielder Wesley Sneijder chuan free transfer-in Ligue 1 club Nice zawm tumin a inbuatsaih mek.
Kum 2010-a Inter Milan tana Champions League lo chawi tawh, kum 33 mi, Sneijder hi season liam taa Galatasaray a chhuahsan hnuah free agent a ni mek a, Nice chuan Twitter-ah Sneijder hian medical paltlang turin France a thleng tawh tih an tarlang a ni.
Tun hnaiah Nice hian player langsar tak tak an lo lalut tawh a, chung zingah chuan Italy striker Mario Balotelli pawh a tel a, Newcastle aṭangin Hatem Ben Arfa an lalut tawh a, Brazil Centre-back Dante leh Morocco playmaker Younes Belhanda te pawh kum hnih liam ta khan an lo lalut tawh a, Ben Arfa leh Belhanda te chu an chhuak leh tawh a ni.
2010 World Cup Final-a Netherlands tana khel tawh leh ram hrang pali-a league title lo chawi tawh Sneijder hi nimin khan contract ziakfel tura beisei a ni.
Sneijder hian a career hi Dutch club hlun, Ajax aṭanga bul ṭanin, Real Madrid, Inter Milan leh Galatasaray -ah te a lo khel kual tawh a, tuna a khelhna tur Nice hi season liam ta khan Ligue 1-ah pathumna niin, tun thla tawp hian Champions League group stage aṭanga khelh ṭan inchuhin Napoli nen two-legged playoff an khel dawn a ni.