Chief Minister Lal Thanhawla’n Congress party mi ni lo engahmah a ngaih loh thu a sawina video darh mek chu hnam pum timualpho theia an ngaih avangin ‘nawhreh’ vek an duh thu PRISM-in an sawi.
Nimina an pawl ‘Bengvar Inkhawmah’ he thu hi sawiin PRISM President Pu Vanlal-ruata chuan, Chief Minister atana lakluh anih dawna a thutiam kalh leh khawvela ram hruaitu tha lo zual, anmahni hnamin an zahpui zui leh hnam dangin an dem rawn thinte tawngkam niawm tak hmanga Pu Lal Thanhawla’n thu a sawi chu tha lo an tiin thleng nawn tawh lo turin an duh tih a sawi a. He a thusawi hi hnam dangin Mizote hmuhsit phah nan an hmang ang tih a hlauhawm mai bakah thangthar tan thil zahthlak a nih dawn avangin tihbo dan awm se an tih thu a sawi a ni.