Rafael Nadal World No. 1 a ni leh dawn

Cincinnati Masters khelh turah Roger Federer chu a hnungzâng nâ vanga a inhnuhdawk tak avangin Rafael Nadal chu karleh Thawhṭanni aṭangin World No. 1 a ni leh dawn ta.

Federer hi Pathianni-a Roger Cup final-a Alexander Zverev laka a chakloh ṭum khan a inhliam a, Andy Murray pawh a khêl bawr nâ a enkawl mek avangin kar kalta khan Cincinati aṭang hian a lo inhnukdawk tawh bawk a, French Open Champion lai, Nadal chu kum 2014 July hnua a ṭum khatna atan World No. 1 a ni leh dawn a ni.

Cincinnati hi kumina Grand Slam hnuhnung ber, August ni 28 aṭanga khelh ṭan tur US Open inbuatsaihna atana khelh ṭhin a ni a, Top 10 players zingah Murray bakah Kei Nishikori leh Marin Cilic te pawh an lo inhnukdawk tawh a, anni bakah hian tun season tluanin 2016 US Open winner Stan Wawrinka leh Grand Slam title 12 zet la tawh Novak Djokovic te chu an inkhel thei dawn lo bawk a ni.