Zothlifim Logo
Loading ...
Aug 26, 2017; Las Vegas, NV, USA; Floyd Mayweather Jr. lands a hit against Conor McGregor during a boxing match at T-Mobile Arena. Mandatory Credit: Mark J. Rebilas-USA TODAY Sports

Floyd Mayweather chuan boxing-a a record ṭha tak chu chhawm nung zelin nimin khan Las Vegas-ah khawvel boxing history-a sum tamna ber inhnekah Conor McGregor chu rouna 10-naah hnehin mi 50 a hmachhawnah hneh loh a la nei lo zel.

Las Vegas-a T-Mobile Arena-ah hian Weight hrang panga-a World Champion lo ni tawh, Mayweather hian inhnek ṭantir lamah UFC fighter McGregor hnen aṭang hian kuttum a dawng tam zawk mah a, amaherawhchu McGregor hi boxing lama experience a neih lohna langin boxing dân pawh a bawhchhe lek lek fo a, round an khel tam zel a, McGregor hi a chau ṭan a, a kuttum thlawk chhuak pawh a hlawhtling hlei thei lova, hetihlai hian Mayweather erawhin rang tak takin a target-ah a hnek fuh nasa ta hle a, Round 10-naah chuan Referee Robert Byrd chuan inhnek a titawp ta a, inhnek a tawp hian kum 40 mi, Mayweather chuan 89-81, 89-82, 87-83-in a chak mek a, Judge Scoresheet-ah Judge pathum zinga pakhat chuan McGregor hi Round 1 aṭanga Round 3-na thleng a chaktir a, a dang pahnih te chuan Round 1-na chiah an chaktir ve ve chauh a ni.

An inhnek zawhah hnehna chang ta Mayweather chuan, “Ka lo rindan aiin a ṭha zawk daih mai, mahse a ṭha zawk chu keimah ka ni,” tiin a sawi a, McGregor chuan UFC-ah a kir leh dawn tih sawiin, Boxing a khel tawh dawn lo tih a sawi theih loh thu a sawi ve bawk a ni.

A hmaa inhneknaa su tamna ber chu 2015-a Mayweather leh manny Pacquiao te inhnek kha niin kha inhnekah khan £480m ($620m) hmuh chhuah a ni a, kha record kha Mayweather leh McGregor te inhnek hian a khûm ngei rin a ni. Hetihlai hian ticket man a to avangin seat 20,000 awmnaah mi 14,623 chiahin a hmunah an en a ni.