Sawrkar thuneituten Gutkha leh Pan Masala ei lo turin mipui ngen

Sawrkar thuneitute chuan Mizoram chhungah dan-in a khap vaihhlo kaihhnawih siam chhuah Gutkha leh Pan Masala ei lo turin mipui a ngen.

Thuneitute’n an sawi danin Gutkha leh Pan Masala zinga tunlaia an buaipui leh hluar ber chu Shikhar a ni a. Shikhar-ah hian “No Tobacco – No Nicotine” tih ziah ṭhin a niin vaihlo leh nicotine tel lohna anga ziah nimahse pan masala mihring ei atana him lo tak a nih bakah vaihlo hlang (favoured chewing tobacco) packet hranah chhawmtir a ni a, chawhpawlh a nih hnuah mihring hriselna atan a hlauhawm em em a ni an ti a. Sumdawngmite pawh dan phal loh thil zuar tel lo turin an ngen nghal bawk a ni.

The Food Safety and Standards (Prohibition and Restrictions on Sales) Regulations, 2011-ah eng thil pawh, mihring ei tura siam leh buatsaihah Tobacco leh Nicotine telh a khap tlat a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram