Serchhipah High School zirlaite tan Students Science Congress buatsaih

Nimin chawhma dar 11 khan District Education Office, Serchhip leh SCERT ṭangkawp buatsaihin District Students Science Seminar ”Swachh Bharat: Role of Science & Technology Promises and Challenges” tih thupui hmangin P&E Veng YMA Hall Serchhip ah neih a ni.

He Seminar hawnna inkhawm hi Pu Lawmawma, DEO, Serchhip chuan a hmanpui a, tunlai khawvel thiamna thang zelah Science tello chuan kan khawsak famkim thei lova; eizawnna atan leh mahni kea ding tura inbuatsaihna atan Science hi a pawimawh tak zet a ni a ti. Swachh Bharat Mission hi kan ramah nasa taka kalpui anih thu leh a hlawhtlinna tak tak chang turin Science thiamna hmanga beihpui kan thlak hi a tul ani a ti bawk.

Nimin District Student Science Seminar ah hian Serchhip District chhunga High School 5 atangin zirlai naupang 7 ten ”Swachh Bharat : Role of Science & Technology Promises and Challenges” tih thupuia hmangin a lem nena entirin intihsiakna an nei a, pakhatna Zoruatpuii, St. Peters HSS Chhingchhip, pahnihna Lalbiakzuali, St. Peters HSS Chhingchhip bawk niin anni pahnih hian September thlaa State Level Science Seminar Aizawla inelna neih turah Serchhip District ai an awh dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram