Silaiin ṭhiandun inkâp palh

Nimin zing dar 8 vel khan Champhai Dinthar Venga cheng Lalawmpuia (20) S/o Rosiama chuan Laldinpuia (15) S/o Funghleikhama (L) chu Air Gun (.17)-in a chalah a kap palh a, Laldinpuia hi Champhai District Hospital-ah dahluh a ni.

Thu lakna tarlan danin anni pahnih hi nimin zing khan daiah sava vehin an chhuakdun a, Lalawmpuia hian a ṭhianpa Laldinpuia chu Air Gun kau lohin a tin der a, kah theih tura a load hnuah, a silai lek chho chuan hmet puak palhin, Laldinpuia chaldar veilamah a kap palh ta a ni. X-ray-a a lan danin Air Gun mu hi Laldinpuia lu inches 2 vel a thukah a tang ni a hriat a ni.

An intihpalh hnu hian Laldinpuia hi a luak bakah a hnarah thi chhuakin, a biak hleih theih lova, damdawiin thlenpui a nih hnu erawh chuan amah hi harhin, a biak theih thung a ni. Hetihlai hian vanduaina tâwk chhungte hi an inbiakrem avangin Champhai Police te chuan thubuai an ziaklut lo a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram