Tevez-a’n Shanghai Shenhua-a kir leh a tiam

Carlos Tevez chuan ziak ngeia Chinese Super League Club Shanghai Shenhua-a August ni 30-a kir leh a tiam avangin Argentina-a kal turin phalna pek a ni.

Report-a a lan danin December thlaa Boca Juniors aṭanga Shanghai zawmtu, kum 33 mi, Tevez hian Club chhuahsan a duh niin sawi a ni a, Manchester City striker hlui hian Shanghai hnenah a châwn hliam enkawl tura Argentina lama haw a dil a, Shanghai chuan “Carlos Tevez dilna kan dawn chu sawiho a nih hnuah a dilna hi kan pawmsak,” tiin an sawi a, August ni 30-a kir leh tur leh training zawm tura an tih thu an sawi bawk a ni.

Tevez hian Shanghai tan kum 2 daih contract ziakin game 11-ah goal hnih a thun tawh a, tunah hian khawvela player hlawh hnem ber te zinga mi niin chawlhkar khatah £634,615 a hlawh niin Sun chuan a tarlang a ni.