Tottenham-in Sanchez an lalutfel ta

Tottenham chuan defender Davinson Sanchez chu Club record fee ni turin £42m-in Ajax aṭangin an lalutfel ta.

Kum 21 mi, Colombia centre-back hian Tottenham tan hian kum 6 daih tur contract a ziak a ni.

Spurs player man to ber chu kum 2016-a Newcastle aṭanga France midfielder Moussa Sissoko £30m-a an lakluh kha a ni a, Sanchez hi kumin nipuia Tottenham player lakluh pahnihna niin, a hmaah hian Nilaini khan Southampton goalkeeper Paulo Gazzaniga an lalut a ni.

Sanchez hian nikum June thla khan Atletico Nacional aṭanga Ajax hi zawmin kum 5 daih contract a ziak a, Ajax tan match 32 a khel hman a, Europa League final-a Manchester United laka an tlawm ṭum pawh khan a khel ve nghe nghe a, May thla khan Ajax player of the year-ah puan a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram