US Open chu khelh ṭan a ni ta a, Maria Sharapova chuan hrem a tawh hnua Grand Slam a khelh lehna hmasa berah World Number 2 Simona Halep a hneh.
Kum 30 mi, Sharapova hian mipui 24,000 dawn hmaah Halep hi 6-4, 4-6, 6-3-in a hneh a, tun hi damdawi hman phal loh hnuhma a taksaa hmuh a nih avanga thla 15 chhung hrem a tawh hnua Grand Slam a khelh lehna hmasa ber niin, world no. 146-na a ni mek a, US Open Main draw-ah pawh wildcard hmangin a lut hram a ni.
Sharapova hian vawiinah Hungary’s World No. 59 Timea Babos chu round 2-ah a hmachhawn leh ang.
Vawi 2 champion tawh Venus Williams pawhin Second Round thlengin World No. 135 Viktoria Kuzmova lakah 6-3, 3-6, 6-2-in hnehna a chang a, Williams hian kum 2001 aṭang khan Flushing Meadows-ah hian title a lo la tawh lova, tun ṭumah hian a champion a nih chuan Grand Slam-a hmeichhe champion thei upa ber a nih bakah 2002 July hnua a vawi khatna atan World No. 1 a ni thei dawn a, tunah hian hmeichhe lamah hian US Open-a an chet ṭhat dan a zira World no. 1 ni thei mi 7 lai an awm a ni.
Wimbledon champion Garbine Mugu-ruza pawhin Varvara Lepchenko chu straight set, 6-0, 6-3-a hnehin Second Round a lut a, Muguruza hian Chinese Duan Yingying a hmachhawn leh dawn a, Petra Kvitova pawhin 2008 finalist Jelena Jankovic chu 7-5, 7-5-a hnehin Second Roundah Alize Cornet a hmachhawn dawn a, Cornet hian Britain’s Heather Watson a hneh a, US Open final ṭum hnih lo thleng tawh Caroline Wozniacki pawhin Mihaela Buzarnescu chu 6-1, 7-5-a hnehin round 2 a thleng bawk.
Hetihlai hian British No. 1 leh Seventh seed Johanna Konta erawhin First Round a paltlang zo lova, unseeded Aleksandra Krunic lakah 4-6, 6-3, 6-4-in a tlawm a, hei hi kumin US Open-a inlehthalna lian thleng hmasa ber a ni.
Mipa lamah 2014 champion Marin Cilic chuan Wimbledon final-a a chak loh hnua a match hmasa berah Tennys Sandgren lakah 6-4, 6-3, 3-6, 6-3-in hnehna a chang a, Fourth seed Alexander Zverev chuan Straight set – 7-6 (11-9), 7-5, 6-4-a Darian King laka hnehna changin second Round a lut bawk a, Borna Coric a hmachhawn leh ang.
8th seed Jo-Wilfried Tsonga, 10th seed John Isner, 21st Seed David Ferer leh 13th seed Jack Sock te pawhin First Round an paltlang a, Wimbledon semifinalist American Sam Querrey chuan Giller Simon chu 6-4, 6-3, 6-4-a hnehin Second round a lut bawk a, Gilles Muller pawhin Bernard Tomic lakah 3-6, 6-3, 6-4, 6-4-in hnehna a chang bawk.