Vijender Singh-a’n WBO title dang a lâk belh

Indian Star, Vijender Singh chuan Inrinni khan Mumbai-ah Chinese boxer Zulpikar Maimaitiali chu unanimous decision-a hnehin WBO Asia Pacific Super Middleweight title a kawllai a humhim bakah Zulpikar-a kawl lai WBO Oriental Super Middleweight title chu a lâk belh bawk.

Vijender Singh hian heti hian Professional boxing a luhchilh hnu-a inhnek pakua a hmachhawn tawhah hnehna a la chang chho vek a, Zulpikar tan erawh hei hi a Professional career-a a chak lohna hmasa ber a ni thung a, Zulpikar hian Professional bout pakua a khelh tawhah ṭum 8 hnehna changin ṭum khat a in-draw pui a, a hneh zinga ṭhenkhat te hi knockout-a a hneh te an ni.

He bout-ah hian Vijender hian hnehna chang mahse a tumpui laka a chakna hi a tam lo hle a, 96-93, 95-94, 95-94-in a chak hram a, Vijen-der hian a sâng zawk a nihna a hmang ṭangkai a, hei hi a chakna pakhatah a puh theih ang.

Vijender chuan hnehna a chan hnu-ah Zulpikar hnen aṭanga title a lak chu India leh China-ten inremna an neih theihna atana hlan a duh thu a sawi a, “He title hi ka duh ngawr ngawr a ni lo. Zulpikar hnenah hian pek let leh ka duh a, he hnehna hi India leh China-in inṭhianṭhatna an neihna atan hlan ka duh a ni. Ramri-ah in epna a awm ṭhin a, inremna neih kan mamawh a ni,” a ti.