Zothlifim Logo
Loading ...

Arsenal nen sawizawm ni mahse Real Madrid striker Karim Benzema chuan a contract chu kum 4 dang atan a pawtsei a, kum 2021 thleng Real Madrid-ah la châm a tum a ni.

Kum 29 mi, Benzema hian kum 2009 khan French club Lyon aṭangin Real Madrid hi a zawm a, Real tan game 371 khel tawhin goal 181 a thun tawh a ni.

Benzema hi tun kara Real Madrid-in contract an ziah tharpui palina a ni a, a hmaah hian right-back Dani Carvajal, left-back Marcelo leh midfielder Isco te chu contract an lo ziah tharpui tawh a, an manager Zinedine Zidane pawhin season liamtaa La Liga leh Champions League winner tan hian contract a ziak thar hlim hlawt bawk a ni.

Benzema hian Real tan hian trophy 14 a chawi tawh a, heng zingah hian Champions League title pathum leh La Liga title pahnih a tel a, France-a a team-mate Mathieu Valbuenna black mail-a puhna thubuai chhui a nih kum 2015 aṭang khan ram tan erawh a la inkhel leh ta miah lo a ni.