Mamit VC Town area chhunga ni za inhlawhna (MGNREGS) sum Cheng Nuai 50 chuang hman dan chhui-chian phutin BJP Vigilance Cell chuan nimin khan Union Minister for Rural Development, Narendra Singh Tomar-a hnenah Complaint an thehlut.
BJP thuchhuahin hemi chungchang hi sawiin, BJP Vigilance Cell chuan kum 2009-2013 chhunga Mamit VC Town Area chhunga NREGS Material Component hmanga hnathawh awmte leh Utilization Certificate, Central lama an thawn te RTI hmangin a dil chhuak a. RTI chhânnaa hnathawh anga an sawi, UC pawh central-a an thehluh vek si chu a hmunah kala enfiah vek a nih hnuah, hnathawh a awm lo tih fianfiah a ni a, hnathawh engmah hmuh a nih si loh avang hian Union Rural Development Minister chu thil awm dan sawipui a ni a, ani thurawn angin Complaint hi thehluh a ni ta a ni. Rang tak leh chak taka BJP Vigilance cell thu thehluh hi an chhui nghal tur thu nimin vek khan Ministry of Rural Development hotute chuan BJP hotute an rawn hriattir nghal niin an thuchhuah chuan a sawi.