Football thuthang

Nimin khan Transfer window khâr ni a ni a, tuna football thuthang te hi nimin lama report awm te a ni a, a tam zawk hi chu he thu i chhiar lai hi chuan a chiang deuh vek tawhin a rinawm.

## Arsenal chuan Transfer window khâr hma ngeiin Paris St-Germain leh Germany forward Julian Drazler, 23, chu lakluh fel an tum a, hetihlai hian Manchester City-a Alexis Sanchez lut lo tura dan an tum thung a ni. (Daily Mirror)

## Hetihlai hian City hian £70m-in Chile forward Sanchez, 28, hi lakluh an tum a, rang taka indawrna tihfel tumin South America-ah legal leh medical official te an lo tir lawk sa a ni. (Independent)

## West Ham chuan Arsenal leh England midfielder Jack Wilshere, 25, chu season tluana loana hawh an la beisei reng. (Sun)

## Spain striker Diego Costa, 28, chuan Atletico Madrid-ah a let leh ṭep tawh a, Chelsea pawhin Atletico-in £49m-a an dil lehna chu an pawmpui tawh a ni. (Sun)

## Chelsea chuan Everton attacking midfielder kum 23 mi, Ross Barkley chu an be chhunzawm zel a, mahse manager Antonio Conte-a’n player pathum lakluh a duh chu hun a awm loh avangin an lakluh thei dawn lo niin a lang. (Daily Telegraph)

## Barcelona, Chelsea leh Tottenham chuan Leicester City winger kum 26 mi, Riyad Magrez chu an la ûm zui zel. (L’Equipe)

## Liverpool chuan Monaco leh France midfielder Thomas Lemar, 21, chu £74m-a lakluh an la tum zel. (Independent)

## Lemar chungchangah hian Club pahnih ten inremna an siam theih chuan Paris-a thlawk lut nghal thei turin Liverpool medical staff te chu inring renga awmtir an ni. (Liverpol Echo)

## Liverpool hian Southampton defender kum 26 mi, Virgil van Dijk man atana £75m thleng seng turin an inbuatsaih reng a, mahse Saints hian hralh an duh lo thung a ni. (Times)

## Transfer deadline day-ah Tottenham leh West Ham-ten Barcelona midfielder Andre Gomes, 24, an inchuh. (Daily Mirror)

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram