## England Manager hlui Roy Hodgson chu Crystal Palace manager Frank de Boer thlaktu tura rinkai ber a ni. (Daily Mirror)
## Manchester United chuan nakum nipui-ah Atletico Madrid aṭanga striker kum 26 mi, Antoine Griezmann an lakluh theih an inbeisei avangin an number 7 chu an dahâwl rih. (Daily Star)
## Chelsea striker Diego Costa chuan a chhungkua chu Madrid khawpui lamah a suan fel leh tawh a, ku 28 mi, Costa hi Atletico lama kir leh phalsak ni ni turin indawrna tihfel beisei a ni. (Football 365)
## Chelsea chuan Bayer Leverkusen midfielder Atakan Akkaynak, 18, chu Barcelona chuhpui tumin an inbuatsaih. (Daily Express)
## Arsenal manager Arsene Wenger chuan Neymar-a’n Barcelona chhuahsana Paris St-Germain zawm tura thutlukna a siam chhan bulpui ber chu thil tum vang ni lovin pawisa vangah a ngai a, Wenger chuan kum 25 mi, Neymar thutlukna chuan khawvela team-mate ṭha ber ber te khelhpui a duhlohzia a tilang niin a sawi. (BeIn Sports)
## Wenger chuan Sir Alex Ferguson thlaka Old Trafford-a manager ni tura an sawm lai khan Arsenal-a ‘hlutna’ awm avangin Manchester United chu a hnawl ta niin a sawi. (Independent)
## Stoke City boss Mark Hughes chu Inrinni-a Manchester United nen an inkhelh ṭuma touchline-a Jose Mourinho a nem avangin hrem a ni mai thei. (The Times)
## International Duty-a Belgium tana khel Manchester City captain Vincent Kompany chu châwn na chunga minute 90 khelhtir a nih avangin City boss Pep Guardiola chu lungawi lo hle. (Daily Mirror)
## West Ham chuan an manager Slaven Bilic thlaktu turin Napoli coach Maurizio Sarri chu an hual. (Daily Express)
## Carlo Ancelotti chuan January thla hmain Bayern Munich a chhuahsan mai thei tih Bayern player hlui Mario Basler chuan a sawi a, a sawi zel danin Italian Ancelotti hian Chinese Club-a kal turin indawrna an tifel tawh niin a sawi. (Sport1)