Co-ordination Committee on Traffic Management-in hun tiam chhunga garage nei lote tana hremna lekkawh dan tur rawtna lo siam tura a tih angin SP Traffic chuan garage neilo te chu Bawngkawn-Kulikawn tlangdunga tlan khap turin an rawt.
Home Minister Pu R.Lalzirliana hova meeting chuan Aizawl khawpuia lirthei neitute chu November ni 30,2017 hma ngeia garage nei turin a hriattir a, huntiam chhunga nei lote chunga action lak dan tur ruahmanna lo siam tura a tih angin siam a ni a. Garage nei lote chu dar 7am–7pm thleng Bawngkawn-Kulikawn inkar tlan phal loh nise tiin rawtna a siam a. Vawi khatna atan Rs.3000 chawitir te, vawi hnihnaah Rs.5000 chawitirin an la neih loh fo chuan an registration/driving license tihtawp rawt a ni.