Lai Autonomous District Council hnuaia AH&Vety Department leh Sanitation Department te chuan Lawngtlai mipuiten sa thianghlim chauh an lei theih nan Lawngtlai khawpui chhunga ran talh tur te an enfiah thin.
Hun engemaw chen atang tawh khan Lawngtlai-ah hian ran thianghlim tawk lo leh ran thi sa ser a awm zauh zauh ni a hriat a ni a, hemi avang hian LADC hnuaia Sanitation leh AH&Vety Department chuan mipuiten sa thianghlim zawk an ei theihnan leh buk tling leh dik taka an lei theihnan theihtawp chhuahin hma an la a, Inrinni tuk leh kar laklawh a ran talh tur te chu a hmunah kal chilhin an endik ṭhin a ni.