Zothlifim Logo
Loading ...

Ningani khan Aizawl Press Club ah MJA Coordination Committee meeting neih a ni a, Serchhip District MJA aṭangin President Pu C.Lalhminghlua leh Vice President Pu C.Ramengmawia te an kal a ni.

MJA Gen Hqrs Executive Committee member te leh District MJA 7 zinga 5 aṭangin aiawh te an tel a, Meeting hi MJA Gen. Hqrs. president Pu Vanlalrema Vantawl-in a kaihruai a, General Secretary Pu C.Lalhmachhuana’n MJA hmalakna leh chetchhuahna hrang hrang report a pe a ni.

Coordination Committee-ah hian District MJA te budget chungchang rel ho niin meeting-a tel ten ngaihdan an sawi khawm hnuah district budget hi siam chhunzawm zel ni se, district tin budget tuk sa bak Rs.1000/- zela tihpun ni se an ti a, hei bakah hian MJA Coordination Committee member inruat dan leh a kalphung tur te rel niin, Coordination Committee member atan hian General Headquarters Executive member te, District MJA tina elected office bearers theuhte ni se tih a ni a, engemaw ṭul bikah special invitee neih theih a ni ang, tih a ni.

MJA Coordination Committee chu MJA thurawn petu (advisory body) a ni anga, kum khatah vawi hnih emaw ṭhutkhawm ṭhin tura tih a ni. MJA General Conference agenda a thlifim ṭhin ang a, General Conference thurel bawhzui dan a thlir zui thin ang a, District MJA budget a tuk/ruahman ṭhin dawn bawk a ni.