MNF Vice President Dr R Lalthangliana chuan MNF-in sawrkarna an chan chuan Kuthnathawktuten hah taka an thawhrahin lukhawng a nei ngei dawn a ti.
Nimin khan Mualcheng MNF Group huaihawtin in 270 khua Mualcheng chuan ‘Lo zawh runpui’ an nei a, Lo zawhna hun hi Dr R Lalthang-liana chuan hmanpuiin, MNF Party chuan SEDP hmanga Kuthnathawktute dawmkan chu an tum ber a ni ati a, an thlai thar chhuah te man man zawk leh awmze nei zawka hralh chhuah anih theih nan chak taka hmalak an tum tih a sawi.
MNF Vice President chuan Mualcheng khua chu khaw taima, engtiklai pawha kuthna-thawh hlawhtlinpui thin khua an ni ati a, hetianga Lo zawh runpui an nei chu lawmawm a tih thu a sawi a ni. Mualcheng khua lo zawhna nimina neih ah hian lo neitu kuthnathawk mi 400 chuang ten lo zawhna hun hi an hmang a ni.