MPF-in thawhhona thuthlung hlawhtlin nan ṭan lak nise ti

Nimin khan Mizoram People Forum (MPF) Governing Body chu ṭhukhawmin, political party te nena an thawhhona thuthlung an siam chu a hlawhtlin ngei theih nan ṭan lak ni se an ti.

Mizoramah Inthlanna thianghlim leh duhawm tak a awm thei thin chu thawhhona ṭhat vang a ni tih MPF chuan a pawm dan a ni, an ti a. Inthlanna thianghlim leh tha a awm leh ngei theih nan rilru leh ngaihtuahna senga tanla turin mi zawng zawng a ngenin a beisei tlat a ni an ti.

Meeting-a tarlan anih dan chuan nikum october thla atang khan party tin office ah campaign an nei a. Kohhran, instituion hrang hrangah leh Govt college 6 ah leh hmun hrang hrangah neih a ni bawk a, political education campaign leh seminar distrcit Hqrs. hrang hrangah neih niin khaw hrang hrangah hmalak a ni bawk.

Nimina MPF ṭhukhawm chuan thla thar ni 22 a Synod Conference Centre-a Annual General body meeting an neih tur a thlirlawk a, kum 2018 – 19 budget turte thlir lawkin, Dan bu siamṭhat a nih dan tur pawh an sawi ho nghal bawk a. Annual Conference chawhnu lamah nakum Assembly inthlanpui lo awm tur hmachhawn dan tur zirho ni se an ti bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram