NGO Coordination Committee-in Citizenship Amendment Bill 2016 chungchangah Memorandum thehlût

Nimin tlai dar 4:30 khan NGO Coordination Committee chuan Mizoram All Political party leh NGO Coordination Committee hminga Citizenship Amendment bill 2016 chungchang duhlohna memorandum chu Pi Kalpana Sharma Joint Secretary, Committee on citizenship amendment bill 2016 leh Joint Secretary Lok Sabha secretariate hnenah submit a ni.

Pi Kalpana Sharma Joint Secretary, Lok Sabha Secretariat hi citizenship amendment bill 2016 chungchang khawihtu ber a ni a, Shri Satyapal Singh chairman Committee on citizenship amendment bill 2017 nilai chu Union Minister of State a lakluh a nih avangin chairman a nihna aṭangin a bâng a, a bân vat na chhan chu office of profit a duh loh vang a ni a, hemi a nih avang hian Kalpana Sharma joint Secretary Lok Sabha secretariate hnenah thehluh a ni ta a ni.

Tunah hian he thil avang hian mi 9000 chuang laiin an duh lohna an thehluh tawh thu Pi Kalpana Sharma Joint Secretary hian a sawi bawk a, Chairman thar ruat a nih vat a rin thu leh Chairman thar ho hian hmalakna chhunzawm a nih tur thu a sawi bawk a ni. Pi Kalpana Sharma Joint Secretary Committee on Citizenship amendment bill 2016 hnenah hian Committee on Citizenship amendment bill 2016 in November thla a India state ṭhenkhat an fan hunah Mizoram state lo tlawh ve ngei turin ngen leh sawm an ni a bawk a ni.

Citizenship amendment bill 2016 chungchang memorandum submit hian CYMA aṭangin Pu Lalbiakzuala President, Pu J.Lalsailova Treasurer, MZP aṭangin Pu Lalsangzuala Ngente President, Pu L. Ramdinliana Renthlei General Secretary leh MSU aṭangin Pu Lalthanzuala General Secretary, B.Lalkhawngaihzuala Fin Secy te an kal a, NGO Coordination Committee te hi Delhi Mizoram House ARC Pu David Lalthantluanga leh Delhi Mizo Zirlai Pawl (DMZP) hruaituten an ṭawiawm a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram