October ni 28-ah Joshua vs Pulev

Anthony Joshua chuan IBF leh WBA heavyweight world title a kawl lai chu October ni 28 khian Cardiff-a Principality Stadium-ah Kubrat Pulev lakah humhim a tum dawn.

Joshua hian April thla khan Wembley Stadium-ah Wladimir Klitschko lakah hnehna changin IBF belt a kawl lai bakah WBA title a lak belh a, Joshua tan hian kum 36 mi, Pulev hi IBF title a kawl lai humhim tura hmachhawn tura tih a ni a, WBA title a kawl lai pawh an inchuh nghal dawn ta a ni.

Kum 27 mi, Joshua chuan “Wimbley-a kan inhnek hnu khan Ring chhunga luh leh hi ka chak zek zek tawh a ni,” tin a sawi a, chawlhkar riat lo awm tur chhung hi ka inhnek ṭum 20-na tur ka thlir bing dawn a, hemi zan hian fans te hnenah hmuhnawm entir ngei ka tum a ni,” a ti bawk.

Pulev pawhin, “Anthony hi theihna sang tak nei a ni,” tiin a sawi a, “Kan inkuah bet lovang a, kan tlanchhe lovang a, ding chungin kan insual dawn a. Min hnehna tur chance erawh a nei dawn lo a ni,” a ti ve bawk.