Frank de Boer chu Cristal Palace chuan ni 77 an chhawr hnu leh game 5 a khelhpui hnu-ah an bân a, England boss hlui Roy Hodgson chuan a thlak dawn niin BBC chuan a talang.
Tun season premier league match 4 an khelh tawhah Eagles hi an la chak lo vek a, an chak loh mai piah lamah goal khatmah an la thun lova, tunah hian Premier League-ah 19-naah an awm mek a ni. Hetihlai hian Boer hian Crystal Palace hi match khat a chakpui a, EFL Cup-ah Ipswich Town a hnehpui a ni.
Palace chuan an Club website-ah, “Frank-a thawh rimna leh kan tana a inpeknaah lawmthu kan sawi a ni,” tiin a sawi.
Ajax boss hlui De Boer hian season liamtaa Relegation Zone a?nga chhuahpuitu Sam Allardye thlakin Crystal Palace boss hna hi a thawk a, Boer hi a hna hnuhnung pahnih an thawh hun chhung belhckhawm chu ni 162 a ni a, November-a Inter Milan-in an bân khan ni 85 chiah a enkawl hman a, Eredivisie-ah Ajax chu a zawnin kum 4 2011 to 2013 chhung a champion a ni.