POLICE PRESS STATEMENT

No. POL/PR/2017/54
Dated Aizawl, the 8th September, 2017

LOCKY RANSOMWARE
RANSOMEWARE HI ENGE NI ?
Ransomeware hi software chikaht (Computer Virus ang chi) a ni a, computer, tablet emaw smart phone a kai tawh chuan a chhunga data awm zawng zawng kha a encrypt (password hmanga khawih chet theih lova siam dan chi khat) vek a, kha computer emaw phone emaw kha khawih danglam theih tawh lovin a lock ṭhin a ni. Ransomeware in khawl a lock tawh unlock na tur sum emaw a tlukpui a rawn phut bawk ṭhin a ni. Tunhnai mai khan he Ransomeware chi thar Locky Ransomeware hi internet-ah rawn darh in khawvel pum pui-ah a darh mek zel a ni.
He Ransomeware hi emai/message hmanga theh darh a ni a, heng email te hian zip file attachment a rawn nei ṭhin a, chumi chhungah chuan Code a in phum ru a, kha file kha click a nih rual rual in Internet aṭangin arukin Locky chu a download ta ṭhin a ni.Locky in khawl a thunun tawh hnu chuan a neitu (victim) hnen-ah chuan a tlanna pawisa (RANSOM) a dil ta ṭhin a ni, Rs.150,000/- vel angai ṭhin. Hetia pawisa pek a nih hnu pawh hian file lock tawh te hi unlock a ni tih report engmah dawn a la awm lo bawk. Hetianga email hmanga mi an beihna piah lamah pawh hian Poup hmangin Font pakhat ‘Hoefler font’ kim lo anga hrilh in, chu font chu install turin a rawn ti ṭhin a, hetia font thar install tur anga lang si hian a ruk in Locky Ransomeware chu a lo download ṭhin bawk a ni.
ENGTIN NGE KAN LO INVEN ANG ?
Computer Administrator te leh User te kan network leh kan computer te a lo him theihnan a hnuaia kan han tarlan te hi zawm hram tur a ni.
## Data pawimawh zawng zawng External Hard drive-ah emaw hmun dangah regular taka back-up tur.
## Windows update install vek tur a ni.
## Computer-ah Antivirus dah vek tur a ni.
## Tu hnen aṭanga rawn kal nge tih hriat loh emai (SPAM) reng reng hawn loh tur. Email a link rawn kal kha a genuine ngei niin lang mahse, click mai lovin web browser hmang in a website kha direct a luh tur a ni.
## Remote Desktop Connection – disable tur.
## Computer zawng zawng-ah Firewall ON ang che.
## Pendrive leh External Hard drive hman chungchangah fimkhur hle rawh. Pendrive leh external Hard drive te hi VIRUS leh a kaihhnawih in kai chhawnna awlsam ber a ni tih hria ang che.
## Mimal emaw pawl emaw he Ransomeware in a tih buai kan awm anih chuan an sum phut hi pe lo turin kan in ngenin kan inhriattir a ni e. An thil phut tih hlawhtlin avanga an file hmu let an awm hriat a la ni lo.
————————————————————
ISSUED BY PUBLIC RELATIONS OFFICER, MIZORAM POLICE