Pu Hawla’n cheng vbc. 18.81 a rulh a ngai:PRISM President

PRISM President Pu Vanlalruata chuan, Mizoram Chief Minister Pu Lal Thanhawla chu Dân kalha Parliamentary Secretary neih avanga mipui sum (public money) cheng vaibelchhe 18.81 khawhral thlawn chu a rulh a ngai a ni, a ti.

Nimina PRISM Office Conference Hall-ah Parliamentary Secretary leh anmahni avanga sum khawhral dan chhût a ni a, Constitution kalha Dan phuahchawp – Mizoram Parliamentary Secretaries (Appointment, Salaries, Allowances and Miscellaneous Provisions) Act, 2009 hmanga Parliamentary Secretary 13 te enkawl nana Mizoram sawrkarin mipui sum a khawhral thlawn an chhut theih chin chu Rs.18,81,51,159.00 a ni a, hetah hian a zat chhut mai a harsat avangin Parliamentary Secretary leh an Personal Secretary te car leina leh repair & maintenance te, an zin veivahna senso te, limit nei lova an hman theih telephone leh internet, electricity leh water bill te MLA hman theih chin angin chhutsak an ni tih PRISM chuan thuchhuah an siam a, hetianga dan kalha appointment inpek avanga mipui sum khawhral awm reng reng chu ‘Public Servant Personal Liability Act, 2010’ angin appointment petuin a rul tur a ni an ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram