SBI-in pawisa bo chhui chhuahsaktu Police hnenah lawmthusawina hlân

SBI Mission Veng Branch chuan August ni 29, 2017-a SBI Mission Veng Branch ATM aṭanga cheng nuai 20 chuang rukbo a nih chungchanga Kulikawn Police Station Staff-ten an bawhzuia, an chhui chhuahsak chungchanga an lawmzia lan tirnan Zirtawpni khan Pi Sheryl Vanchhawng, Chief Manager SBI Mission Veng Branch Office-ah lawmpuina thilpek leh citation an hlan.

SBI Mission Veng Branch ATM aṭang hian pawisa fai Rs.20,73,500/- ru bo in Kulikawn PS-ah thubuai ziahluh a ni a, Hmingthanruala (31) S/o K.Lalsawma, Sihphir Neihbawih chu manin a hnen aṭang hian pawisa fai Rs.18,88,000/- hmuh lêt leh a ni.

Zirtawpnia hun hmannaah hian Police Department aṭangin Pu Joseph Lalchhuana IPS, DIG (NR) leh Pu Neihchung-nunga IPS, SP Aizawl, SDPO Aizawl South leh Kulikawn PS staff te an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram